Almarrinn

Smáskrif

2007-11-24T12:40:00.000Z

Var að lesa frábæru sögurnar Cyanide and Happiness og rakst á þetta myndband (ýtið á myndina til að sjá það):

Cyanide & Happiness @ Explosm.net

Briliant!

Greetings
Massímó

Blogg

2007-11-18T12:31:00.000Z

Titillinn á þessu bloggi var tilnefndur til íslensku bloggverðlaunanna 2007 í flokki frumlegustu titla.

Annars var ég að pæla, afhverju í fanden bloggar maður? Er það til að stytta mér stundir? Stytta lesendum stundir? Fá útrás fyrir skrifþörf eða til að hleypa út listaskrímslinu sem blundar í okkur öllum?

Ég held að eina ástæðan fyrir því að ég bloggi sé að reyna að vera fyndinn. Ég leitast eftir kommentum á borð við: HAHA, LOL, Oh þú ert svo grillaður Almarr kjáni og fleira í þeim dúr. Þannig að endilega ef ykkur finnst ég fyndinn látið mig vita. Núna hins vegar er þetta blogg það ófyndnasta sem finnst á netinu held ég þannig að þið þurfið ekkert að kommenta frekar en þið viljið.

Maður á kannski ekkert að blogga svona nývaknaður, það eina sem er fyndið við mann þá er hárgreiðslan. Og ég er ekki einu sinni með nógu mikið hár til að vera fyndinn.

Held ég skelli bara inn setningu vikunnar sem hún Harpa Baldurs á í þetta skipti, eða HB eins og hún er oftast kölluð:
"Má ég fá súkkulaðibita? Ég er á túr"

Svo ef ég hefði náð mynd af Hannesi þegar hún sagði þetta þá hefði hann átt svip vikunnar en í staðinn á Calvin hann bara:

Yfir og út (þessi kveðja var líka tilnefnd)
AO

Triplets

2007-10-30T22:43:00.000Z

Jæja þá er komið að því!!! Júbbídúbbidibbí

Þrífararnir mættir á svæðið, gallvaskari en nokkru sinni fyrr.
Að þessu sinni hljóma þeir svona:
Merry, Kátur hobbiti, Andri Fannar, rúnthóra og daðrari, og William Keel, einn krúttlegasti krakki á jörðinni (að sögn spekinga)!
Voila!

Vona að þið njótið vel.

Setningu vikunnar á Magnús nokkur Blöndal, oft kallaður Helmassaður Blunt:
"Símon! Maður er að heyra að þú fáir frítt á Hlölla! Eða þetta er orðið á götunni!"

Kveðja
Almarrr

Hvert er heimurinn að fara?

2007-10-23T17:22:00.000Z

Þetta er rosalega áhrifaríkur titill, nú lesa menn og aðrir líklega áfram í von um undraverðar pælingar mínar um stríð, barnaþrælkun og langvarandi áhrif eyðileggingu ósonslagsins.
En ég verð að valda ykkur vonbrigðum (einhver hissa á því?) því ég er ekki með neinar slíkar, þvert á móti finnst mér fínt að búa á þessari jörð. Ég hef aldrei lent í stríði, enn hef ég ekki verið seldur á þrælamarkaði og ég sé ekkert helvítis gat á ósonlaginu.

Almarr minn hvað ertu að tuða?

Veit það ekki. Alveg satt.

Hvernig væri ef ég kæmi með þrífara bráðlega? Þá yrði vonandi glatt á hjalla (Hjalli vonandi lest þú þetta).

Allvega ætla ég að lofa sjálfum mér því að blogga oftar, lesa fleiri blogg, laga síðuna mína, bæta tenglasafnið mitt og bara margt margt fleira.

Ég tek svo við veðmálum, hvenær mér tekst að klúðra öllum þessum loforðum. Það ætti að safnast stór og góður pottur!

Ottó Hólm á setningu vikunnar (Nýr liður?):
"Hún er nú svolítið óheppin með útlitið þessi"

Kveðja
Marri Blogg

Glænýtt upphaf

2007-10-01T17:43:00.000Z

Ég hugsa að ég sé byrjaður að blogga aftur... jeyj

Samt ekki of mikið í einu er það?

Nii

Bíðið spennt, þá verðiði fyrir vonbrigðum

Kveðja
Massímó

Úrslit úr þríförum... og að sjálfsögðu Powerade mótinu

2007-03-10T17:19:00.000Z

Hæ! Hvað segiðið krakkar mínir? Eru ekki allir hressir? Nei sennilega ekki allir... ekki Þórsarar!!!

Hví skyldi það vera? Jú þeir lentu aðeins í þriðja sæti í Powerade mótinu, á eftir KA (skiljanlega, besta liðið í bænum) ooooooog Dalvík! Sem er nú svo sem ekki svo svekkjandi því að Egill Ármann er aðalmaðurinn þar á bænum. Vil því nota tækifærið og óska Dallas mönnum eins og þeir eru kallaðir hér á slóðum til hamingju með silfrið!

Oh hvað það er gaman að vinna 603

En já að öðrum úrslitum, þrífararnir maður, dsjísös kræst hvað þær kosningar voru ekkert spennandi, eða allavega ekki um fyrsta sæti. Svo virðist sem allir hafi vorkennt ákveðnum einstakling og ákveðið að kjósa hann... but whateva (ég er ekkert svekktur). Gefin voru stig á eftirfarandi hátt: 1. sæti gaf 3 stig, 2. sæti 2 stig og 3. sæti 1 stig. Ef aðeins einir þrífarar voru valdir fengu þeir 1 stig í stað þriggja. En allavega:

Bronsið hljóta með 7 stig:

Rauðhærðagengið

ooog...

Einar (&) Áskell

Silfrið hljóta með 8 stig:

þrisvarsinnumtveirfurðufuglaríflippi

oooog...

Brosmildir sykurpúðar

Og langefstir með 17 stig fá gullið, bikarinn sem er í boði slippsins og frítt út að borða fyrir einn fullorðinn ásamt barni á all-anum. Þetta eru hvorkimeiranéminnanéneittþarámilli:

Hárprúðir krúttikallar

Jæja þar hafiði þar loksins... vil þakka öllum sem tóku þátt í kosningunni og öllum þeim sem hafa kommenta þegar nýir þrífarar hafa birst... hver veit nema það styttist í næstu og verða þeir þá fyrstir í næstu 10 þrífara syrpu, vonum bara að ég lifi nógu lengi til að töfra þá fram...

Með tárin í augunum
Almarr

Hann á afmæli í dag

2007-02-25T13:01:00.000Z

...hann á afmæli í dag
hann á afmæli hann ég
hann á afmæli í dag

ég vil óska landsmönnum til hamingju með daginn! Bendi einnig á að útlit síðunnar hefur breyst fyrir óeftirtektarsama

úrslitin úr þrífarakeppninni fara aaaaalveg að koma (í fyrsta lagi á morgun, í síðasta lagi eftir mánuð)

Lifið heil

hinn 19 ára

ég nenni ekkert að blogga

2007-02-11T22:05:00.000Z

...geri það nú bara samt!

Af mér er ekkert að frétta síðan síðast held ég... eða jú, búinn að spila einhverja fótboltaleiki sem hafa allir gengið vel nema einn... og það þurfti akkúrat að vera fyrsti leikurinn minn sem fyrirliði með mfl. Ekki það að ég sé orðinn fyrirliði, Elmar kallinn bara veikur.

Svo er ég búinn að fara tvisvar suður, síðast í gær þangað til í dag. Við kíktum í smá keilu nokkrir þórsarar og KA-menn, að sjálfsögðu var það KA-maður sem vann... nema upphitunina reyndar, Þar var Sveinn nokkur hrikalega heppinn. Vonbrigði kvöldsins voru þó klárlega Moli sem stóð ekki undir eigin grobbsögum. Ég brillaði reyndar alls ekki, ekki fyrr en það var komið að því að rata í vesturbæjarísbúðina... ég hugsa að strákarir væru ennþá fastir í vesturbænum ef mín hefði ekki notið.

En vá hvað þetta kemst á topp 3 yfir allra leiðinlegustu blogg síðari ára, þannig að ég þegi bara núna, leyfi ykkur að taka stjórnvölin... komið með skemmtilegustu komment sem ykkur dettur í hug og Basshunter, ég treysti sérstaklega á þig!

Kveðja, Almarr

Til hamingju með nýja árið

2007-01-11T14:50:00.000Z

Ætli ég þurfi ekki að blogga smá, nenni því samt ekki... þannig að þetta verður hundleiðinleg lesning fyrir þig lesandi góður.

En já gleðilegt nýtt ár allir saman, í ár verð ég 19.. sem er ekkert merkileg tala =/ svoltið skrítið því undanfarin ár hefur alltaf eitthvað merkilegt gerst á árunum mínum:

13 ára: flutti heim frá Sviss

14 ára: fermdist

15 ára: mátti hætta að nota hjálm á hjóli

16 ára: byrjaði í MA og útivistartíminn breyttist hjá mér

17 ára: Fékk bílpróf

18 ára: Mátti fara í Sjallann

19 ára: ??????

20 ára: Má ég fara í ríkið og Amour og Kaffi Ak og eitthvað

21 árs: Eru ekki einhverjir skemmtistaðir sem hægt er að fara á?

Þannig að eins og þið sjáið: Verður rólegt afmælisár... sem er kannski gott því næsta verður rosalegt, útskrift og læti... vonandi at least!

En já úrslitin úr þrífarakosngunum verða birt fljótlega, ég hef mínar grunsemdir um hver vann en ég þarf þó að athuga hvort eitthvert svindl hafi verið í gangi..

Lifið annars bara heil og gangi ykkur MA-ingum vel í prófunum, ykkur VMA-ingum og háskólanemum vel á nýrri önn, vinnandi fólki vel í vinnunni og grunnskólanemar.. jájá þið eruð líka ágætir

Bæ

Þrífaraveisla!

2006-11-30T15:39:00.000Z

Jahérna hér og jæja já. Hverjum hefði dottið þetta í hug? Tíundu þrífararnir orðnir að veruleika og í tilefni þess hef ég ákveðið að birta alla þrífaranna hingað til! Hvorki meira né minna.
Ég er búinn að föndra svolítið hérna í skólananum og þið fáið alla þrífaranna á einu bretti, þeir nýjustu eru neðst! Smellið á linkinn til að sjá myndina!
Gjörðisvovel:
SMELLIÐ HÉR!

Ég vil einnig halda smá leik í tilefni tímamótanna, smá svona kosningu. Hver sem commentar fær þrjú atkvæði til að kjósa sýna uppáhalds þrífara. Þið verðið einnig að taka fram í hvaða sæti þrífararnir eru hjá ykkur. Þið megið einnig segja afhverju þið kjósið svona, en þess þarf ekkert. Ég kem með dæmi hérna (dæmi sem telur reyndar því ég hef líka kosningarrétt!):
1. #2 - Hvað er fallegra en fólk að bora í nefið?
2. #8 - Aðalega vegna vinnunar sem það tók að finna 5 hálf nakta karlmenn, tvisvar!
3. #6 - Fær mitt atkvæði þar sem ég sjálfur er á þeim, og kalli á þakinu!

Svona virkar þetta semsagt! Hér koma svo nokkar skemmtilegar staðreyndir um þessa þrífara!:
Í þessum 10 þríförum eru:

30 myndir
44 persónur
36 karlmenn
1 kvennmaður
1 fíll
1 tígrisdýr
1 landakort
28 raunverulegar persónur
6 leiknar persónur
9 teiknaðar persónur
15 persónur sem ég hef hitt
17 Íslendingar
og margt margt fleira!

Ég vona að þið gefið ykkur tíma til að commenta og kjósa og vil um leið þakka þeim fjöldamargra sem commentu á síðustu þrífara, danke schön.

Með gleðitár á kinn
Almarr

Loner Acemale

2006-11-27T11:58:00.000Z

Jæja, er ekki kominn tími á þrífara? Held það barasta... Eftir jafn glæsilegt myndablogg og síðast þarf að róa menn niður með góðum þríförum. Vil þakka Hannesi kærlega fyrir hjálp við hugmyndasköpun og Einari fyrir hjálp við uppröðun. Einnig vil ég þakka öllum sem commenta! Hinir mega eiga sig...

Þrífararnir núna eru þá svona: Einar, Áskell og Einar Áskell

Jæja, nóg í bili
Sé ykkur
Almarr

2006-11-22T11:06:00.000Z

Jæja ég var víst búinn að lofa myndum úr svíþjóðarferðinni! loksins búinn að setja þær inn þannig að ég segi bara njótið!

Dóri og Atli Keeper

Við Moli með hetjunum Bjarna og Rúrik

Við Atli frekar ferskir

Dóri Leikni og Moli

Veit ekkert hvað hún heitir þessi, kom með Emmu vinkonu úr sjoppunni

KR-ingarnir Skúli Jóns, Skúli Jón og Atli. Marco nagar á sér neglurnar fyrir aftan

Logi og Eggert að hössla Emmu

Bjarni Þór Viðarsson, hetjan úr Everton

Æstu herbergisfélagarnir! Logi og Skúli Jóns

Bjarni og Skúli að luma sér á myndina

Markmannsdruslurnar

Halldór með Colgate brosið

Addi og Nóri að pósa í klessu

Moli með sprite, held ég

Skúli og Atli. Skúli fékk líka sprite

Birkir Roommate, og Skúli að troða sér inná

Skúli Jón og Þobbi kallinn úr Víking

Dóri og Logi

Marco Pavlov og Gylfi 13 ára

Moli enn og aftur

Nei! er ekki mynd af Mola hérna, mætti halda að hann ætti þetta blogg

Hér er hins vegar réttur eigandi síðunnar, Marri kaglinn

Rúrik Gísla og Þórður

Gertzstar

Heyrðu svona var það nú. Einhverja hluta vegna á ég enga mynd af Aroni Mall, hinum 13 ára guttanum í ferðinni. Ronni þú verður bara að senda mér eina slíka, hvar varstu meðan ég var að mynda? Varst annars alltaf að sníglast í kringum okkur Mola, oftast í fýlu reyndar ;)

En já vona að þið séuð ánægð með myndirnar eftir þessa löngu bið! Nú megið þið öll commenta aftur, meira segja svona: "lol, gott blogg, cya gamli"

Bæbæ
Ammi

Trabant

2006-11-10T20:25:00.000Z

Áður en ég byrja þá vil ég benda á að ég veit að ég lofaði myndum. Ég bara nenni ekki að setja þær inn strax. So sorry.

En já vá ástæðan fyrir að ég sest með tölvuna við hönd og blogga er sú að ég er ástfanginn. Ekki af kvennmanni, ekki einu sinni af karlmanni heldur af mörgum karlmönnum. Trabant er ástin, hljómsveitin ekki sjálfrennireiðin. Ég var ekkert að uppgvöta núna hvað þetta er frábær hljómsveit, nei ég held ég hafi verið að uppgvöta hvað þetta er fáránlega góð hljómsveit.

Flestir sem heyra Trabant nefnda og hafa ekki kynnt sér hana hugsa strax um lagið Nasty Boy eða Filthy Duke remixið af lagi þeirra One en þrátt fyrir ágæti þeirra er nú komið enn betra lag.

Þeir sem ekki vissu var að koma út plata með lögum Megasar flutt af landsþekktum flytjendum eins og KK, Pöpunum, Baggalút, Hjálmum og meira segja MA-vininum Páli Óskari (með hjálp hörpuleikarans Moniku). En eitt lag sker sig þó útúr þessu vegna gæða sinna, lagið Björt Ljós Borgarljós í flutningi áðurnefndra Trabant manna er brillíant. Vá. Ég skal fúslega viðurkenna að ég hef lítið sem ekkert hlustað á Megas og veit ekkert hvort að þetta er eitthvað líkt hans útgáfu eður ei en brillíant er það.

Lagið er svolítíð ólíkt Nasty Boy og One remixinu, frekar í líkingu við uppranlegu One útgáfuna og þó. Það er ekki fjörugt, krafturinn er kannski ekki gífurlegur, í raun er ég viss um að flestir eigi eftir að hata það. Sérstaklega eftir að ég hef hækkað vonir þeirra töluvert eftir þessi skrif en einhverra hluta vegna elska ég þetta lag. Það er heilar 9 mínútúr, og á þessum 9 mínútum er nokkurnveginn það sama í gangi allan tímann, en þetta er fjandi góðar 9 mínútur. Ég meina mér hlítur að finnast þetta gott lag víst ég tileinka heilu bloggi því.

Áður en ég hætti þá ætlast ég til að þið náið ykkur í lagið, hvort sem þið gerið það ólöglega eða löglega, og ýtið svo á comment þarna niðri og segið skoðun ykkar. Mér er skítsama þótt þið hatið lagið, þið aflið ykkur ekkert inn vinsældarstigum bara með því að vera sammála mér, segið það sem ykkur finnst! Og ég vil ekki fá að sjá comment sem segja frá einhverju öðru en laginu, nema það sé eitthvað merkilegt. Ekkert "gott blogg, sé þig síðar" comment takk fyrir! Eina undantekningin er Baldvin sem hefur aflað sér rétti til að skrifa um hvað sem er í comment!

Ég vil svo benda á að ég er ekki að gera lítið úr hinum artistunum á plötunni, Hjálmar, KK og Baggalútur eiga tildæmis fínustu lög þarna. Trabant bara eru aðeins betri!

Með kveðju eftir alltof langt blogg um ekki neitt
Almarr

Góðar fréttir

2006-11-03T21:09:00.000Z

JESS!!

við erum komnir áfram, u-19 liðið þ.e.a.s, JESS!!! Til að gera langa sögu stutta þá lentum við í þriðja sæti í riðlinum okkar og fengum þær fréttir að aðeins eitt þriðjasætis lið kæmist áfram í milliriðla og eins og var værum við þar efstir í flokki. Nú eftir að hafa beðið alltof lengi var síðasti riðillinn að klárast og viti menn: VIÐ ERUM ÁFRAM!!!!

Ég er í skýunum, sjöunda himni og yfir mig kátur. Þetta lið á svo ekkert annað skilið enn að komast áfram, alltof góðir strákar til annars.

En allavega: VIÐ ERUM SVO FOKKING ÁFRAM!!!! JESS

Myndirnar sem ég var búinn að lofa ykkur koma nú ekki strax, en þær verða ennþá skemmtilegri fyrir vikið. Þær eru jú af liðinu sem KOMST ÁFRAM!

En ég kveð að sinni, matarboð og læti í gangi.

Almarr (tussuglaður)

p.s. Já Baldvin það væri sannur heiður ef þú myndir nota commenta síðuna hjá mér til að blogga. Þetta er líka hagnýtt; Aðdáðendur mínir myndu auðveldlega finna bloggið þitt og aðdáðendur þínir kæmust ekki hjá því að lesa færslur mínar, skil ekki að fleirum hafi ekki dottið þetta í hug!

p.p.s. VIÐ KOMUMST ÁFRAM!!!

Hæhæ og halló dagbók

2006-10-16T21:23:00.000Z

Baldvin er að vera órólegur, skiljanlega. Ég ákvað að krota niður nokkrum orðum hér í von um heimsfrið.

Af mér er helling að frétta. Nýkominn að utan (svenske flikke land) og var það býsna gaman fyrir utan 3.sætis svekkelsins, nenni alls ekki að útskýra. Farið á UEFA.com til að fatta!

Svo var framhaldsskólamót um helgina, við unnum riðilinn, off kors, og erum því áfram ásamt a-liði stúlknanna. Verður hörku rvk-ferð það!!!

Annars nenni ég ekki að hafa þetta mikið lengra. Ætla að setja inn nokkrar myndir seinna meir, af mér, Mola og nokkrum hetjum.

Þið bara bíðið spennt!

Kveðja..
Marínó Hólm (einkahúmor a la Moli)

skólablogg

2006-09-20T14:39:00.000Z

Sælir

Ég sit hérna í Efnafræði/eðlisfræði og bíð eftir því að komast heim. Ákvað að skella inn splunkunýjum þríförum í tilefni skólabyrjunar og eru þessir númer 8 í röðinni (styttist í tíundu, party einhver?). Í þetta skipti eru þeir svona:
Backstreetboys; heimsfrægt boyband, Húðflúr; óþekkt boyband og 5 guys; listaverk eftir hinn þekkta Jeff Bridges. Gjörsovel

Nenni samt varla að skrifa meira, er svo stressaður hérna með Hannes og Einar lesandi yfir öxlina á mér og þori ekki skrifa neitt sniðugt. Við exararnir maður, stuð í tíma!

Jæja yfir og út
Almarr

Nei góðan daginn kæru landsmenn

2006-09-14T11:57:00.000Z

Hvað segir fólk? Skólinn bara að byrja og Almarr byrjaður að blogga aftur! Er hægt að biðja um meira?

Ég ákvað að taka mér smá sumarfrí án þess að láta nokkurn mann vita, fólk alveg að verða brjálað á þessu ef mér skilst rétt og þunglyndi háði nokkra! En kvíðið ey lengur því hér er hann mættur, ágætari en nokkru sinni fyrr.

Til að segja frá sumrinu í stuttu máli þá var það svona: vakna, mæta í vinnu 7, vinna til hálf 5, æfing hálf 6, heim í tölvuna...
Semsagt tómt gaman. Stundum fór maður nú líka suður að keppa eða kíkti í bæinn á laugardagskveldi.

Það sem kannski stendur upp úr svona í lok sumars var Skotlands-ferðin sem ég fór í ekki fyrir alllöngu. Ég var svo heppinn að vera valinn í u-19 liðið og fórum við og kepptum tvo æfingaleikir við Skotana. Að sjálfsögðu unnum við báða, annan 3-1 og hinn 2-1. We took them to the bakery eins og maðurinn sagði.

En svona í tilefni þess að ég er kominn með nýjan síma ákvað ég að skella nokkrum myndum með í þetta blog! Sumir átta sig kannski ekki á samhenginu en þannig er mál með vexti að það er myndavél á nýja símanum, þetta er það nýjasta nýtt! En gjörsovel!

Tinni ferskur! Frekar skemmtilega greiddur og svona

S.B, Hannes og Einar hress í sjallanum

Þessir áttu sjallann! Þokkalega harðir

Magni greyið að detta út úr Rockstar, hetja landsins í dag

Sævar greyið felldi nokkur tár í tilefni þess, hetjan mín í dag

Jæja látum þetta gott heita í bili, sé ykkur í skólanum, boltanum, bænum eða hvar sem hægt er að sjá ykkur

Almarr

Þrífarar númer 7

2006-05-28T13:06:00.000Z

Jæja þá er komið að einn einum þríförunum... númer 7 í röðinni, alveg eins og Cantona var númer og Beckham áður en hann fór til Real... en svona eru þeir víst:

Maggi Blöndal, rauðhærður og massaköggull, Jack Nicholson, jóker og leikari og Tony Blair, forsætisráðherra og fyrirsæta! Voila:

Þeir sem skoða þetta eru skildugir til að commenta... sama hverjir þið eruð og hvað þið eruð að gera, gefið ykkur tíma til að segja hvað ykkur finnst og hvað betur mætti fara! :)

kveðja... Almarr

Nokkrar Danmerkurmyndir

2006-05-26T16:31:00.000Z

Ég ákvað að skella inn nokkrum myndum frá dk! Koma fleiri seinna

Við Bassi í góðu flippi

Ég varð þreittur í rútunni

Svenni eitthvað að flippa

Loksins aftur þrífarar!

2006-05-26T00:09:00.000Z

Já svolítið síðan þeir komu síðast en vegna ótal eftirspurna (svona sirka 3) ákvað ég að finna einhverja góða... það vill nú svo skemmtilega til að þetta er í fyrsta aksiptið sem ég sjálfur kem í þrífaranna en þeir eru svohljóðandi:
Almarr Ormarsson, MA-ingur og KA-ingur, Matthew Bellamy, söngvari og meira til og Kalli á þakinu, heimsins mesti prakkari... enjoy

Allir svona skemmtilega rauðhærðir og flottir... þetta voru erfiðir tímar hjá mér en ég lifði þetta af og er nú í fyrsta skipti á ævi minni dökkhærður, gaman að því!

Hef þetta ekki lengra í bili, endilega commentið og segið hvað ykkur finnst um þrífarana!

kv. Almarr

Afríka Papríka all the way

2006-05-21T20:33:00.000Z

Í tilefni júróvisíón ákvað ég að blogga. Ég er svo duglegur að blogga að það hálfa væri ekki neitt. Rétt upp hönd annars sem sáu úrslitin, og niður með hendina þau sem héldu ekki með Finnlandi. Ef þið eruð ennþá með aðra (ja eða báðar) endur uppí lofti þá eruð þið flott. Djös fokking snilld að skrímslin hafi tekið þetta, Mr. Lordi og hljómsveit hans voru þau einu með viti þarna. Fyrir utan náttúrulega Litháen og “We are the Winners” gengið, þeir voru sannir sigurvegarar!

Svo líka lagið (man ekkert hvaða lag eða hverjir það voru) með besta rím sem komið hefur í Eurovision. Veit ekki hvort fólk tók eftir þessu en við Erla sys pissðuðum á okkur þegar söngkonan söng: “Africa Paprica”. Hún átti heiður skilin fyrir að þora að syngja þetta! Eins með Rússann, hann komst í annað sætið bara á hárgreiðslunni! Mæli með að allir safni í svona múllett eins og einhver kallaði það... bara röff töff!

Annars er fínt að frétta hér af bænum, helgin búin að vera stórkostleg... búinn að sofa hálfan daginn og horfa á stórskemmtilega þætti hinn helminginn, er hægt að biðja um meira? Skellti mér að vísu á fótboltaæfingu á laugardaginn og ákvað að vera með svona til tilbreytingar. (Fyrir þá sem ekki vissu þá er ég víst meiddur í nára og hef lítið sem ekkert verið með). Gaman að segja frá því að þetta var öflug endurkoma hjá mér, setti tvö þrusu mörk og svona, verð nú vonandi með í næsta leik sem er gegn fram næsta föstudag hérna heima á akureyrarvelli! Allir að koma á þennan toppslag og hvetja gula!

Ég ákvað svo að skella inn eins og einni mynd með þessu. Smá kaldhæðni í gangi en við Sævar lentum á eftir þessum bíl einn góðan veðurdag. Ég tók því eina væna símamynd þar sem okkur fannst þetta sniðugt, ég er samt ekkert að gera lítið úr hjólastólanotendum. Okkur bara fannst þetta kúl

Svo fer nú að styttast í nýja þrífara, ég fer að finna eitthvað gott! Veit að allir eru að missa sig úr spenningi...

Pís át
Almarr

Hver gremillinn...

2006-05-05T23:14:00.000Z

Jæja krakkar, hvað segið þið? Ég var að velta því fyrir mér afhverju tölvunördar eru svona enskuvæddir, hví ekki að íslenska allt heila klabbið og halda fegurð tungumálsins í okkur! (Núna eruð þið að velta fyrir ykkur á hverju ég er en það er bara kók og lítill svefn sem spilar inn í, einnig það að ég hef ekkert að gera þessa stundina svo ég ætla að athuga hversu skondinn pistil ég get skrifað á sem stystum tíma, og þetta er að verða einhver lengsta sviga athugasemd í heimi!) Ég fór því að velta fyrir mér alls konar nördastyttingum og ákvað að íslenska þær mér og öðrum til gagns og gamans, í raun veit ég ekkert hvort þetta verði einhverntímann byrt en það verður að hafa það!
Hefjum leikinn! (þið áttið ykkur á reglunum þegar þið byrjið að lesa)

lol (laughing out loud) – hu (hlæ upphátt)
wtf (what the fuck) – hv (hver gremillinn)
brb (be right back) – kes (kem eftir smá)
mp( mom and dad) – fm (faðir og móðir)
rofl (rolling on flour laughing) – vueoaah (veltandi um eins og auli af hlátri)
np (no problem) – em (ekkert mál)

svo á að breyta svona enskum frægum setningum yfir í íslensku:

who gives a shit – hver gefur skít
blow me – blástu á mig
screw this – skrúfaðu þetta
take it easy – taktu því létt
fuck you – farðu í reiðtúr!
zip it – renndu því

og svona mætti lengi telja. Þið sjáið strax að samtöl unglinga yrðu miklu skemmtilegri áheyrnar við svona breytingar og msn og sms samtöl yrðu aðgengilegri og fróðlegri.

sjitt hvað mér leiðist... vona bara að einhverjum hafi fundist þetta áhugaverð lesning og sé alveg vueoaah, annars getiði bara skrúfað þetta og farið í reiðtúr, blásið á mig í leiðinni og þetta verður em. HU

Ef þið skilduð þennan teksta ekki verðið þið að lesa allt bloggið aftur... og aftur... og aftur...

Kveðja: þreitti kókistinn

Ligeglad

2006-05-02T21:22:00.000Z

“Ja hérna hér…. Ætlar Almarr að blogga?” kann margur að spyrja sig. Og svarið er víst já! Ég veit ekki hversu merkileg þessi skrif mín verða eða hvort einhver mun lesa þetta sér til dægrastyttingar en hvað um það, ég hef ekkert betra að gera!

Það er að vísu skrítið að ég hafi ekki bloggað fyrr… ætlaði að gera svaka skemmtilegt blogg eftir Danmerkur ferðina sem ég fór í með fótboltanum en einhvernveginn tafðist það alltaf… núna man ég ekkert hvað við gerðum þar en í grófum dráttum var það einhvernveginn svona: Fótbolti, borða, fótbolti, borða, þythokkí, sofa, fótbolti, kani, borða, fótbolti, psp, borða, þythokkí, idiot, borða sun lolly….. Nema einn daginn spiluðum við æfingaleik við varalið Herfolge og tókst okkur að vinna þá 1-0 þó að við hefðum reyndar átt að vinna þá mun stærra!!

Það sem stóð sennilega helst upp úr í ferðinni var Kaupmannahafnarferðin.. Þangað fórum við fylgtu liði og lögðum Strikið og Tívolí undir okkur! Ég, Svenni og Bassi þrömmuðum búðirnar eins og verstu konur og keyptum upp lagerinn í þeim flestum, fórum svo í Tívolí og tókum vel á því: 4 sinnum í fallturninn, 2 sinnum í einhvern brjálaðan kolkrabba, tvisvar í rússíbana og svo einu sinni í eitthvað skíta töfrateppi. Semsagt klikkaður dagur

Svo gerðist sá víðheyrði atburður að elstu kallarnir í flokknum voru með strákslæti og fíflaskap og ákváðu að sína þeim yngri hvernig ekki á að hafa sér. Þeir klipptu Nóra og Magga Blö(nt). Aron, Steini Gunn, Steinþór, Steini Mý, Símon og Svenni fengu svo fallegt tattú á hálsinn sem þeir þurftu að bera í Köben öllum hinum til mikillar ánægju. En þrátt fyrir að ég héldi að ég væri sloppinn við allt saman þá tókst þeim að plata mig útí vitleysu. Eins og flestir vissu kom ég heim með rautt hár og var ekki sá eini. Ég, Steini Mý, Símon og Steinþór fengum ókeypis litun og skörtuðum nýja litnum á síðasta kvöldinu. En þegar við ætluðum að skola “skolið” úr hárinu kom í ljós að eitthvað höfðu þeir gömlu gabbað okkur því helvítis liturinn fór ekkert úr… ég þurfti því að spranga um skólann í eina viku með hár eins og Kalli á þakinu…

En vá þetta er orðið allt of langt!!! Myndir úr ferðinni munu koma síðar og ég get lofað nokkrum góðum þaðan… Vona bara að einhver sé enn að lesa, ef svo endilega gefðu þér þá tíma til að skella inn nokkrum athugasemdum!

Kveðja: nýjasti tsjokkóinn

Tár, bros og takkaskór

2006-04-10T15:46:00.000Z

Vá maður! Áðan gerðist skemmtilegur hlutur... Fyrir þá sem ekki vissu er ég að fara til Danmerkur næsta fimmtudag í æfingarferð með KA. Og þar sem við munum að öllum líkindum æfa á grasi þar en ekki gervigrasi eins og við erum að gera þessa stundina þurfum við að taka takkaskónna okkar með. Ég var því áðan að máta gömlu takkaskónna mína til að atghuga hvort það væri ekki allt í lagi með þá og þegar ég steig í þá og labbaði aðeins um þá lék um mig svona sælutilfinning. Ég fattaði þá betur en nokkru sinni fyrr hvað ég hlakka til að komast út á gras, þó að Boginn sé stórkostlegur og allt það þá fær maður samt sem áður leið á myrkrinu og kuldanum þarna inni. Úti á grasi er þar sem fótboltinn fær að njóta sín! (sérstaklega í góða veðrinu á Íslandi)

Vá þið bjuggust örugglega við ógéðslega skemmtilegri sögu en vitiði hvað? Mér er bara alveg sama því að ég er svo kátur! Ætla að brosa í allan dag! Alveg þangað til magaæfingarnar byrja á eftir... þá hætti ég í smá stund.

Og já talandi um takkaskó þá er ég með 3 pör til sölu!!!

Puma King – svartir með hvítu og gylltu

Þeir eru númer 42 úr svaka fínu leðri, alveg ónotaðir!

Puma eitthvað – silfurlitaðir

Eru líka númer 42 úr einhverju klikkuðu leðri og allt það, líka alveg ónotaðir

Adidas eitthvað – svartir með hvítum röndum

Þessir eru númer 41 1/3 og líta svipað út og Copa Mundial, fínt leður og eins og hinir: alveg ónotaðir!

Ástæðan fyrir því að ég er að selja þetta er að þeir eru of stórir á mig (já ég er lítill) og hef því ekkert við þá að gera. Einnig er alltaf gaman að eiga pening svo að bjóðið bara hátt! Hafið samband í símann minn, msn, hér í comments eða bara í eigin persónnu! Ég sel þá ekkert svaka dýrt þannig að ef ykkur vantar klassa skó á spottprís þá er um að gera að skoða!

En hef það ekki lengra í bili!
Almarr

Sælir

2006-04-03T21:02:00.000Z

Hobbalalla hvað það er orðin langt síðan ég bloggaði.

En hér er ég mættur ferskari en aldrei fyrr, nýkominn úr klippingu og allt. Svosem ekki mikið markvert búið að gerast undanfarið þannig að ég læt splunkuglænýja þrífara og góða sögu af honum Sævari mínum nægja í þetta skiptið!

Byrjum á þríförunum en þetta eru heimsfrægir tvífarar með einum aukabónus sem ég var að heyra af í dag, á semsagt ekki hugmyndina af þessum alveg sjálfur en hvað með það! Allir mega hjálpast að í þessum lið... Svenni gerðist að meira segja svo kræfur að herma eftir og setti hálfgerða þrífara á bloggið sitt! En ég fyrirgef honum það:)
Þrífararnir í þetta skiptið eru semsagt: Gilzenegger, kraftajötunn og frægurútafengu, Jón Gunnar, knattspyrnumaður og handklæðaþjófur og Quasimodo, bjölluhringjari og krúttlegur. Gjörsovel!

Þá er það sagan af honum Sævari mínum, ég reyndar held að hún sé svoltið svona "had to be there moment" eða "þurftir að vera þar augnablik". En hvað um það, eitthvað verðið þið að fá að lesa!

Þannig var það að við sátum í efnafræði einn miðvikudaginn, ég við hliðina á Sævari og Einar hinum megin við hann. Það tíðkast hjá okkur að í föstudagstímunum er bekknum skipt í tvennt, stelpur koma annan hvern föstudag að gera tilraun og strákarnir hina. Jóhann kennari var eitthvað að velta þessu fyrir sér og spyr því: "Eru stelpurnar ekki næsta föstudag?". "Júbb" segir bekkurinn í kór því þetta var rétt hjá karlinum. Það kemur þó einhver undrunarsvipur á Sævar og hann segir lágt: "stelpurnar?". Fannst þetta greinilega ekki stemma. Við Einar bendum honum á að stelpurnar séu þennan föstudaginn en Sævar greyið er ekki enn búinn að átta sig á þessu og hugsar sig lengi um áður en hann loksins fattar og segir: "Já þannig, ég var að hugsa um sjónvarpsþáttinn!" (sem er semsagt venjulega á laugardögum). Við Einar vorum þeir einu sem heyrðum þetta og sprungum því úr hlátri! Gerðum held ég hin í bekknum frekar pirruð því við gátum ekki einu sinni sagt þeim hvað var svona fyndið, svo mikið hlógum við.

Vona að ykkur hafi líkað þesssi saga sem sýnir ljósu hárin á Sævari, sem annars er ekki svo slæmur greyið!

Höfum þetta ekki lengra í bili, lifið heil!
Almarr

Word prufa

2006-03-24T17:22:00.000Z

Jæja krakkar...

Ég var að ná í eitthvað svona sniðugt á netinu þannig að ég get bara bloggað beint úr Word! Mjög hentugt (ef þetta virkar þ.e.a.s.) þar sem ég þarf þá ekki að logga mig inn og gera nýjan póst og svoleiðis vesen.

Ég hins vegar nenni ekki að blogga mikið ef þetta skildi svo ekki virka... Bið bara alla sem stadda verða á Akureyri á sunnudaginn að koma í Bogann klukkann 16:00 og horfa á okkur vinna KR-ingana. Stuðningur ykkar skiptir máli!

En þetta er bara prufa og ég vona að þetta virki!

Kveðja... Almarr

ein bisschen bloggchen

2006-03-15T22:50:00.000Z

Já hmm... ætli maður verði ekki að drita niður nokkrum orðum aftur hérna svo fólk verði ekki of óþolinmótt

Samt eiginlega ekkert að frétta þannig að þetta verður meira svona hugleiðingar og eitthvað rugl bara...

Ég var að pæla um daginn í svona klukki á bloggum. Hvernig í ósköpunum verður þetta til??? Og ég fann svarið: þegar einhverjum leiðist alveg rosalega og hefur ekkert að gera nema að blogga en veit ekkert um hvað hann á að blogga, þá semur hann svona klukk (Fyrir þá sem ekki vita er ég að tala um svona spurningar sem fólk svarar á bloggum). Og þar sem þetta er eiginlega tilfellið hjá mér núna ákvað ég að semja svona klukk, verður líklegast ekkert frábært en wtf (nörda mál fyrir hver gremillinn) og svo svara ég þessu bara líka... Gjörsovel:

1. Ef þú hefðir fundið andalampan í Aladín, hefðirðu frelsað andann með síðustu óskinni?
Njaaa, efa það stórlega, ekki á hverjum degi sem maður fær 3 óskir bara sísvona! Samt kannski ef hann hefði verið mjög góður við mig...

2. Nirvana eru?
Eilífir

3. Ef þér yrði boðið hlutverk í leiknu útgáfunni af Lion King, hvern myndirðu leika og hví?
Ætli ég myndi ekki leika Múfasa, yrði held ég ágætis ljón...

4. Simpsons, Futurama, South Park eða Family Guy?
Futurama, Family Guy samt inná milli

5. Lífið er?
Dans á rósum

6. Bubbi eða KK?
KK klárlega

7. Hvaða vídeo leiga er að gera það núna?
Video Barinn

8. Miðvikudagar eru?
þreittir

9. Þessi spurningarlisti er?
Asnalegur:p

10. Hverja ætlar þú að klukka?
Svenna, Palla, Ingu Lind, Erlu, Lindu, Ingvar og Egil Bakkus

Vá hvað þetta tókst ekki nærri því vel eins og við var að búast, samt nokkrar góðar þarna inná milli. Ég bæti upp fyrir þessa færslu með þríförum innan skamms, ekkert minna sem dugir held ég!

En efnafræðipróflestur bíður mín
Písát
Almarr

afmæli, reykjavík og shortcut

2006-03-01T11:16:00.000Z

jæja er ekki löngu kominn tími til þess að setja niður nokkur orð hérna? Svosem nóg búið að gerast til að blogga um en einhverra hluta vegna hef ég ekki nennt að skrifa neitt fyrr en nú (í náttúrufræði tíma)

Það sem kannski stendur upp úr síðan síðast er að ég átti afmæli síðasta laugardag. Já haldiði að kallinn sé ekki orðin átján. Nú má ég gera fullt af hlutum, t.d.
fara í Sjallann
fara á Oddvitann
fara í spilakassa
kaupa bleikt og blátt
og margt margt fleira

Afmælidagurinn var nú kannski ekki uppá marga fiska, vaknaði í Reykjavík og morgunmaturinn var á Salatbarnum. Spilaði svo leik gegn Keflavík sem fór ekki alveg sem skildi. Kíkti svo á McDonalds þar sem afgreiðslustúlkan gaf mér EKKI frían McFlurry. Svo á leiðinni heim ætlaði Ingvi driver að vera svoooo sniðugur:

Þegar við vorum sirka 2 mínútur frá Blönduós ákvað hann að taka "shortcut". Hann beygði semsagt af þjóðveginu og var svaka ánægður með sjálfan sig. Þegar hann hafði keyrt í einhverja stund áttaði hann sig svo á því að hann var villtur. Skúli vildi stoppa á bóndabæ og spurja til vegar en Ingvi tók það ekki í mál. Við keyrðum því áfram þar til við sáum bæjarljós. Í vonleysi okkar og sjálfsblekkingu vonuðumst við eftir því að þarna sæum við Varmahlíð en í ljós kom að við höfðum tekið hálftímarúnt bara til að enda í Blönduós. Semsagt klassa shortcut hjá Ingva...

Ákvað svo að skella inn þríförum hérna sem tengist sögunni svolítið. Fyrsta myndin er kort af leiðinni hans Ingva, þið sjáið að þetta er álíka gáfulegt og að taka einn eyjarfjarðahring þegar maður kemur í bæjinn austanmegin að. Næsta er fílsraninn og sú þriðja er hakan á Jay Leno. gjöriðisvovel!!

Endilega segið hvað ykkur finnst um Ingva, þrífarana og óskið mér til hamingju með sjálfstæðið...

Kveðja.
Mr. Ormarsson

klukk klukkan 8

2006-02-19T19:49:00.000Z

jæja bakkuz (Egils malt og appelsín) klukkaði mig. Takk fyrir það vinur!

4 störf sem ég hef unnið um ævina:

1. Unglingavinnan
2. Skinnaiðnaður
3. Búrek
4. Hef fengið borgað fyrir að passa líka :)

4 bíómyndir sem ég gæti horft á aftur og aftur:

1. Ali G
2. A Knights Tale
3. Pirates of the Caribbean
4. Flestar Jim Carrey og Adam Sandler myndir

4 staðir sem ég hef búið á:

1. Hrafnagilsstræti 31
2. Elbisstrasse 4
3. Borgarhlíð 6C
4. Sunnuhlíð 11

4 sjónvarpsþættir sem mér líkar:

1. Friends
2. Lost
3. Cheers
4. House

4 síður sem ég skoða daglega fyrir utan blogg:

1. hugi.is/hljodfaeri
2. leikjanet.is
3. ka-sport.is/fot
4. svo fer það bara eftir skapi

4 staðir sem ég hef heimsótt í fríum:
1. Mallorca
2. Danmörk
3. Austurríki/Þýskaland/Liechtenstein
4. Elba (eyja hjá Ítalíu)

4 matarkyns sem ég held uppá:

1. Ruslfæði
2. Humar
3. Spagettí með smokkfiski
4. Pörusteik

4 staðir sem ég vildi heldur vera á núna:

1. Væri til í að kíkja til Sviss
2. Svo að fara á heita strönd, Ítalíu t.d.
3. Í Danmörk og prófa að kaupa pylsu á dönsku þar sem ég er stúdent í henni
4. Svo væri ég til í að vera á almennilegum grasvelli í fótbolta, boginn sýgur

4 bloggarar sem ég klukka:

1. Erla sys
2. Gvara keeper
3. Ingu Lind
4. Lindu Rakel

Jæja þá er þetta búið, ekki sniðugusta klukk sem ég hef tekið þátt í en allavega eitthvað sem fékk mig til að blogga... Svo verðið þið að fylgjast með og bíða eftir næstu þríförum :)

Kveð í bili
Da Kjúllos

Sé ég tvöfalt?

2006-02-10T13:46:00.000Z

Virðulegi forseti, elskulegu vinir, kærkomnu ættingjar og aðrir viðstaddir

Enn á ný kem ég með ferska þrífara hér á síðuna. Í þetta skiptið eru þetta í rauninni tvöfaldir þrífarar þar sem tveir aðilar eru á hverri mynd en þetta eru frá vinstri til hægri: Kassi og Bassi, knattspyrnuhetjur og partýdýr, Steini og Olli, grínistar og svart/hvítir, og Mario og Luigi, tölvuleikja og kvikmyndastjörnur.

Annars er allt gott að frétta hér á bænum. Er að fara suður eftir klukkutíma og svo mun í fyrsta skiptið á ævi minni gista í Njarðvík. Spennandi það!
Vil svo þakka öllum sem ég hitti síðastliðið laugardagskvöld fyrir skemmtilegt kvöld. Klikkað partý hjá Kassa sem á heiður skilið fyrir það. Held samt að maður kvöldsins hafi verið Bassi! Hann að vísu veit sennilega ekki afhverju sjálfur en það er aukaatriði =p

En endilega commentið á þrífaranna! Furðufuglar þar á ferð og þótt að það sé kannski ekki mikill svipur milli manna er ákveðinn "fílingur" á öllum myndunum. Eða hvað finnst ykkur?

Kveðja
Almarr - Ég klippi og ég raka menn (tileinkað Dolla)

long time no blog

2006-02-01T19:51:00.000Z

Já svolítið svona langt síðan ég lét síðast í mér heyra! Enda fátt markvert búið að gerast svona í kringum prófatíð og allt það. En núna er hið margumtalaða MA frí búið og brjáluð önn að fara að byrja! 42 tímar í viku... 20 einingar! Að maður skuli leggja þetta á sig. Svo æfingar 5 sinnum í viku plús heimalærdómur (hehe *hóst*). Ég veit ekki hvar ég á að finna tíma í allt hitt sem ég ætlaði að gera á þessu ári!

En nóg um skólann... reyndar er ekki um neitt annað að tala. Ekkert að gerast, fór reyndar suður síðustu helgi til að knattspyrnast eitthvað. Lenti svo í því að vera veðurtepptur fyrir sunnan í heila 2 klukkutíma, sumir reyndar sem áttu flug 9 um morgunin komust ekki fyrr en hálf 6 heim þannig að ég er ekki mikið að kvarta!

En já maður! Íslenska landsliðið í handbolta, djöfull eru þeir næstum því að meika það þarna úti í gamla landinu (ég átti semsagt heima útí Sviss)! Unnu rússnenska björnin í gær og rétt klúðruðu þessu á móti Króutum áðan! Gad dem it sko. Klúðruðu sókn 6 á móti 4 þegar mínota var eftir og tvemur mörkum undir, mætti halda að Dagur væri kominn aftur í liðið!

en nóg í bili, nýjir þrífarar fara að koma innan skamms!
Bless bless
almarr

kominn til að vera

2006-01-16T15:42:00.000Z

Já vegna geysimikilla vinsælla hér í síðasta pósti er þrífaraliðurinn kominn til að vera! og allir klappa!

Þrífararnir að þessu sinni eru alveg hrikalega líkir og gætu sumir haldið að ég væri að setja sömu myndina inn þrisvar en svo er ekki. Til að forðast allan misskilning þá eru þetta semsagt (í þessari röð frá vinstri til hægri): Pálmi Rafn, knattspyrnumaður í einhverju skítaliði, Björk, söngkona og furðufugl, og Bill Gates, milljónamæringur og kyntákn.

Athugið að ef þið smellið á myndina þá stækkar hún og þannig ættuð þið að geta fundið 5 mismunandi atriði á hverri mynd!

En hef það ekki lengra í bili, stærðfræðin kallar!

Síjú
Almarr

Þrífarar

2006-01-10T16:03:00.000Z

Góðan dag

Á morgn hefjast prófin, ég ákvað því að skemmta öðrum MA-ingum og hefja nýjan lið hér sem mun nefnast þrífarar. Hversu oft ég mun uppfæra þetta verður óljóst um sinn.
En allavega fyrstu þrífararnir eru Sævar, Lloyd (Jim Carrey) og Paul McCartney:

Eins og þið sjáið eru kauðar keimlíkir allir þrír og erfitt að greina á milli. Ég vona að ykkur líki þessi nýji liður og endilega látið mig vita hvað ykkur finnst!

Og já fólk hefur verið að kvarta yfir því að það sé flókið að commenta hér! því fylgja einfaldar leiðbeiningar fyrir þá klaufsku:
1. Ýtið á "comments"
2. Nýr Gluggi opnast
3. Í honum skrifið þið nafn, e-mail (ef þið viljið) og heimasíðu ef þið eigið slíka
4. Að lokum skrifið þið eitthvað fallegt!
5. ýtið svo á "publish"

Svona einfallt er það! Vona að sem flestir nýti sér þetta sniðuga kerfi!

Kveðja... Almarr

Hárköttur

2006-01-07T20:41:00.000Z

Sælt veri fólkið, og aðrir lesendur einnig

Í gær kom til mín ungur herramaður, Sævar hét sá, og bað mig um að gera sig fallegri. Þar sem ég er nú svo góður strákur og svona tók ég honum fagnandi og ákvað að setja hann í svona ekstrím meikófer. Til þess að hjálpa mér hóaði ég í minn digga aðstoðar mann Ottó Hólm Reynisson. Í sameiningu tókum við Sævar í smá "Haircut" og dæmi hver fyrir sig af meðfylgjandi myndum!

Athugið að myndin hentar afarvel í svona "background" á "desktopið" í tölvunni ykkar!

Ég bíð nú bara eftir tilboðum sjónvarpsfyrirtækja en þessir hæfileikar mínir henta afar vel í þætti á borð við The Swan, Extreme Makeover og Sex Inspector. Einnig gæti það hugsast að ef einhver einstaklingur hringir í mig persónulega (eða í umboðsmann minn) að ég gæti, gegn vægri greiðslu, gert eitthvað til að fríska upp á hann!

Lifið heil
Da Cutter

Welcome to the year 2006

2006-01-03T15:57:00.000Z

Og þá spurði maðurinn: "er þetta blogg ekki búið að vera?". Og hinn maðurinn svaraði: "nei það lýtur ekki út fyrir það, þrátt fyrir að Almarr sé búinn að vera hundlatur að blogga undanfarna mánuði".

Jájá sæl veriði lesendur góðir. Gleðilegt nýtt ár og takk fyrir það gamla. Eruði ekki hress og kát á nýju ári? Ég er alveg hreint skítsæmilegur, að vísu nenni ég varla í skólann á morgun. Aðalega vegna þess að það styttist í prófin og logbogaskil og þvíumlíkt. En aftur á móti verður nú gaman að komast í bogann aftur í fótbolta, leiðinlegt að hanga endalaust niðrí rækt eða úti í kuldanum skokkandi eins og einhver fáviti.

Jæja fyrir þá sem ekki vissu þá voru jólin núna í mánuðinum seim leið. Ég skal nú segja ykkur það að þau voru ekki amaleg, þvert á móti þá skemmti ég mér konunglega yfir hátíðirnar. Át á mig gat og borðaði svo aðeins meira og fékk mér svo ís, kökur og súkkúlaði, einu sinni fékk ég meira að segja súkkúlaðiísköku. Á milli þess sem ég var ekki að borða hafði ég það notalegt fyrir framan sjónvarpið eða að rústa Ottó og Sævari í Trivial, rosalegt hvað 2 frændur geta verið vitlausir.

En ætli ég telji þetta ekki gott í bili, bendi ykkur á það í endann að ég uppfærði tenglalistann og ef þið viljið komast þangað verðið þið að vera góð við mig!

Kveðja...
Almarr!

P.s. væri ekki sniðugt svona áramótaheit að lofa að blogga meira??? eða nei sleppum því.

Tilfinningavera?

2005-12-13T00:29:00.000Z

Varúð ekki lesa þetta ef þú ert í svaka góðu skapi!!

Vá hvað dagurinn í dag(mánudagur) er búinn að vera furðulegur.
Kannski af því að jólasveinarnir eru komnir til byggða

Ég vaknaði hress í morgun, ótrúlegt en satt og var það eiginlega alveg allan daginn þangað til í sögu(tveir síðustu tímarnir). Þá kom hungrið og þreitan í ljós og ég varð reiður við allt og alla. Þegar ég loksins komst heim hafði ég týnt húslyklinum og var því læstur úti. Þurfti að bíða eftir mömmu og ekki bætti þetta skapið. Komst loksins inn og mér til mikillar gremju var nánast ekkert til að borða. Borðaði þó allt sem ég komst í og dreif mig svo á æfingu. Þar komst ég svo aftur í frábært skap við það eitt að sjá félaganna (og heyra nokkrar skemmtilegar sögur). Í lyftingunum var ég þó frekar þreittur aftur en náði mér aftur á strik í útihlaupinu (enda vorum við Svenni rosalegir).

Eftir æfingu fór ég með mömmu á Græna Hattinn þar sem systkinin KK og Ellen voru með jólatónleika. Þar hittum við Todda frænda og Ólöfu konu hans. Stórskemmtilegir tónleikar og ég fékk eiginhandaráritun og allt. Var samt lang yngstur þarna inni sem var bara töff. En þegar ég kom heim skrifaði ég stuttan dönskustíl um H.C. Andersen og hlustaði á meðan á KK og Ellen (keypti semsagt diskinn á tónleikunum) og svo Hildi Völu (var eitthvað svo rosalega tilfinningaþrungur). Ef ég væri ekki jafn harður og ég er væri ég sennilega hágrátandi núna, bara útaf engu... furðulegt nokk.

Ég veit ég veit ég veit ég veit að þetta er hundleiðinleg færsla og ef þú ert ennþá að lesa þá ertu sennilega orðinn álíka þunglyndur og ég þessa stundina. Ég lofa að koma með eitthvað miklu miklu miklu betra næst...

Vá þetta sökkar maður...
Almarrinn ótrúlega down

Lagið góða

2005-11-27T19:17:00.000Z

Jæja loksins kom ég laginu sem WaiWai spilaði á stiðarvauki á netið. Þið getið lesið allt um það í færslunni á undan þessari, ef þið eruð ekki búin að lesa það þ.e.a.s.

Ég er samt ekki í neinu blog stuði núna þannig að það kemur eitthvað betra næst bara!
En já hér er lagið:
Ukulele Session

Kveð að sinni!
Almarr

Wai Wai

2005-11-21T23:32:00.000Z

Kæru landsmenn nær og fjær

Ykkar maður er mættur aftur og heitari en nokkru sinni fyrr. Þið trúið vart eigin augum er þið rennið yfir næstu línur. Í dag hef ég ákveðið að fjalla aðeins um ykkar lang uppáhalds hljómsveit. Já dömur mínar og herrar, Wai Wai mun vera umfjöllunarefni mitt í dag. Ég veit að ég get alls ekki gert öllum til geðs en ég mun samt sem áður reyna að koma inn á flest það sem almúginn vill vita um þetta stórband. Gjöriðisvovel!

WaiWai var stofnað af tveimur félögum í kringum jólin 2004. Báðir höfðu þá verið að leika sér með Ukulele (Hljóðfæri frá Hawaii, líkist gítar en þó mun minna) og vegna sameiginlegs áhuga ákváðu þeir að stilla hljóðfærum sínum saman. Þeir sáu strax að hljómurinn var engu líkur, þessu var vart lýst með orðum. Ekki nóg með að hæfni þeirra á þessu sviði var á undan flestum samtímamönnum heldur smellpössuðu grípandi melódíur Almars við ljúfa hljóma Sævars.

Þeir létu þó lítið á sér bera í fyrstu og aðeins þeirra nánustu fengu að heyra það sem þeir höfðu upp á að bjóða. En þegar tilkynnt var í skóla þeirra beggja að í bráð væri hljómsveitarkeppni fyrir nemendurna sáu þeir tækifæri til að sýna heiminum það sem hann átti skilið. Þeir stigu á stokk og gífurleg fagnaðarlæti brutust út. Fólkið í salnum virtist numið af þokka þeirra og glæsileika. Þeir létu nokkur vel valin orð falla sem féllu heldur betur í kramið á fjöldanum. En allt þagnaði þegar tónarnir brutust út.

Wai Wai hafði undirbúið syrpu sem samanstóð af vel völdum lögum af þeim sjálfum. Smellir úr öllum heimsálfum fengu að njóta sín á áður óheyrðan hátt. Þeir byrjuðu á Coldplay laginu Clocks sem var seyðandi en um leið nógu grípandi til þess að allir frusu í sætum sínum. Dulin skipting í New Born með Muse kom þær næst og þegar áhorfendur áttuðu sig á þessu leyndi kátínan sér ekki. Franz Ferdinand smellurinn Tell Her Tonight hressti fólk svo við og þegar þjóðlagið Ryksugan á fullu byrjaði ætlaði allt að tryllast. Fólk hreinlega öskraði af spenningi og gott ef að leið ekki yfir nokkra viðstadda. Til þess að hægja aðeins á þessu fór dúóið yfir í Narcotic með þýsku hlýrabolspoppurunum í Liquido og þaðan í rokkslagarann Highway to Hell með AC/DC, að sjálfsögðu byrjuðu síðhærðu strákarnir að "slamma" á þessum tímapunkti og þegar Smoke on the Water með Deep Purple glumdi í eyrum þeirra fauk hárið næstum af í látunum. En Wai Wai voru hvergi nær hættir, öllum að óvörum komu þeir með Sweet Dreams sem flestir þekkja frá meistara Marilyn Manson. Sólóin keyrðu allt um koll og áhorfendur furðuðu sig á leikni jafn merkilegra manna á svona lítil hljóðfæri. Strákarnir tveir sáu þá að allt stefndi í uppþot og ákaðu að róa líðin niður með laginu Somewhere over the Rainbow og féll það að sjálfsögðu vel í kramið.

Þegar lagaveislunni lauk leit allt út fyrir það að kvosin myndi springa. Önnur eins fagnaðarlæti hafa sennilega aldrei heyrst í húsum Menntaskólans á Akureyri og þótt víðar væri leytað. Dúoið ætlaði ekki að komast í búningsherbergi sitt vegna bæna um eiginhandaráritanir og ljósmynda uppstillingar. Og ekki var þessu lokið þarna. Dómnefndin var að sjálfsögðu líka hrifin af atriði þeirra og til að gera ekki aðra öfundsjúka ákváðu þeir að gefa þeim verðlaun fyrir frumleika í stað þess að úrskurða þá besta band kvöldsins. En strákarnir skyldu ráðabrugg þeirra og fóru sáttir heim með 6 lítra af kók og afbragðs dvd filmu.

Það þarf varla að benda fólki á að eftir þetta fyrsta "gigg" þeirra félaga hefur síminn ekki stoppað og þeir eru beðnir um að spila á flest öllum samkomum bæjarins, afmælum, brúðkaupum og árshátíðum svo fátt eitt sé nefnt. Strákarnir láta frægina þó ekki stíga sér til höfuðs og eru, líkt og við hin, ósköp venjulegir skólastrákar á framabrautinni.

Jæja ég vona að ykkur líki þessi umfjöllun, hún er reyndar heldur betur í lengri kantinum en ég gæti sennilega skrifað endalaust um þetta frábæra band. Ég mun svo setja upptökuna af Stiðarvauki (hljómsveitarkeppninni) inn á netið eins fljótt og mögulegt er þannig að allir geta notið þess að hlusta á tímamótaverkið.

Er orðinn alveg hrikalega þreittur í puttonum svo ég kveð að sinni. Endilega commentið og segið hvað ykkur fannst um þetta!

Kitli kitli kitl!

2005-11-15T17:00:00.000Z

Já pallsi peð kítlaði mig (djöfullinn) og því þarf ég að svara einhverju svona drasli
Enjoy:

7 hlutir sem ég ætla að gera áður en ég dey....

1. Finna góða eiginkonu

2. Klára MA

3. Helst góðan háskóla líka

4. Eignast tvo syni sem verða næstu fótboltastjörnur landsins

5. Vinna Þórsaranna nokkrum sinnum í viðbót

6. Eignast klikkaðan sportbíl

7. Svo langar mig rosalega að verða eins og Playboy kallinn (Hugh Hefner eða eitthvað)

7 hlutir sem ég get gert.....

1. Unnið Þór í fótbolta

2. stærðfræðast

3. gert grín að Sævari

4. glamrað á gítarinn

5. Klobbað Palla í reit

6. Spilað Plug in baby fyrir aftan haus, bæði á rafmagns- og kassagítar

7. Spilað á Ukulele

7 hlutir sem ég get ekki gert....

1. Skilið stelpur og palla

2. skorað úr víti í vítaspyrnukeppni

3. Lært frönsku

4. lagað til í herberginu

5. Sungið fallega

6. svarað þessu drasli

7. vaknað og verið hress um leið

7 hlutir sem heilla mig við hitt kynið...

1. Rass

2. Andlit

3. Kímnigáfa

4. Vöxtur

5. Gleraugu (samt ekki alltaf)

6. Sítt hár

7. Fallegt bros (sérstaklega þegar þær brosa til mín)

7 Frægar konur sem heilla mig.....

1. J-Lo

2. Jessica Alba

3. Pink

4. Kirsten Dunst

5. Sigga Beinteins

6. Emilíana Torrini

7. Dóra Takefusa

7 orð/setningar sem ég segi oftast....

1. Má ég fá far?

2. Ertað grínast?

3. Klikkaður

4. Nei takk (þegar afgreiðlsufólkið spyr: "eitthvað fleira?" og "má bjóða þér afritið")

5. HAMS!

6. Hvad skal vi spise?

7. jæja

7 manneskjur sem ég ætla að kitla....

1. Egill (og Axel)

2. Þekki ekki fleiri sem á eftir að kitla

3. Jú Linda Rakel kannski

4. kitla bara litlu systur mínar

5. og svo má alltaf athuga hvort hægt sé að kitla Tinna (hundinn okkar)

6. Svo má kitla Palla, klípa aðeins í bumbuna

7. Og allir aðrar sem hafa þörf fyrir smá gamani látið mig bara vita... skal líka kitla ykkur!

8. Gleymdi Ingvari keeper. kitla þig líka

9. vá marr hvað er að mér Erla systir nottla! kitl vinan

Heyrðu vá sjaldan lent í því leiðinlegra! tík mig einn og hálfan tíma að klára þetta... og ég ætlaði að vera rosalega fyndinn í svörunum en það mistókst eitthvað:S er bara svona ófyndinn gæji sýnist mér.

En takk fyrir að kitla mig palli, meira fíflið.

2005-11-14T12:45:00.000Z

Haloscan. Er kominn með eitthvað svona commenta system þar sem Axel neitaði að commenta annars. Einnig er gestabókin að detta inn og svo sjáiði fullt af fróðlegum tenglum hér til vinstri!

Verið nú dugleg að commenta!

Mánudagsmorgun

2005-11-14T11:33:00.000Z

Ég vil byrja á því að þakka frábærar viðtökur sem þetta blog hefur fengið. Ætli ég verði ekki að fara að auglýsa síðuna betur. Koma mér upp nokkrum svona fastagestum!

En já voðalega er ég glaður núna, er í fjórföldu hádeigishléi þökk sé Ingibjörgu íþróttakennara og Hrefnu enskukennara. Get fengið mér ríkulegan hádeigisverð og bloggað eins og brjálæðingur.

Ætla aðeins að segja ykkur frá því nýjasta í heiminum í dag, eða allavega það nýjasta sem ég var að uppgvöta. Kallast Podcast og þeir sem eru með iTunes ættu að hafa séð þetta þvælast fyrir. En þar sem ég hafði ekkert að gera (í íslenskutíma minnir mig) ákvað ég að skoða þetta aðeins betur og kom í ljós að þetta er bara asskoti sniðugt. Þetta eru semsakt nokkurskonar útvarpsþættir sem hægt er að ná í af netinu. Þú finnur bara eitthvað sniðugt og gerist áskrifandi af þáttunum sem koma svo út vikulega eða svo. Það besta við þetta allt saman er að maður þarf ekki að borga krónu fyrir.

Til að útskýra þetta betur ætla ég að koma með smá dæmi eins og stærðfræðikennarar gera:
Ég fann þætti sem heita NYUB (Not your usual eitthvað) og gerðist áskrifandi af þeim. Nú fæ ég vikulega nýjan þátt með þræl skemmtilegri tónlist. Og ekki þetta venjulega með Justin Timberlake og 50 cent. Nei þarna fæ ég að kynnast nýrri mjúsík sem er bara eins og ég áður sagði mjög svo ljómandi ágæt. Fleiri þættir sem ég er áskrifandi af eru 75 minutes (einnig tónlistarþáttur með indie tónlist), Next Big Hit(tónlist), The Guy Bauer half hour (snilldar húmor, blanda af Freysa á gamla x-inu og Jay Leno) og svo Tom Shillue (uppistandari og allsvakalega fyndinn).

En já núna eru örugglega allir hættir að lesa, mæli samt eindregið með því að þið kíkjið á þetta, sérstaklega þið sem eruð komin með leið á fm957!

Verður ekki meira í bili
Kveðja.. almarr

Taka tvö

2005-11-11T20:50:00.001Z

Jæja kæru lesendur.
Svo virðist sem hin færslan mín hafi ekki komið almennilega. Nema þá titillinn þannig að ég skrifa bara aftur. Vona bara að þetta virki núna.

En já eins og þið sjáið þá er uppáhalds Almarrinn ykkar kominn með svona bloggsíðu. Þetta er kannski ekki þessi "basic" blog síða um mitt daglega líf og djammskap minn. Ég nenni ekki svoleiðis, í staðin ætla ég að reyna að fjalla um mjúsík, heimspekilegar hugleiðingar og annað sem mér dettur í hug. Ég mun þó líka segja ykkur frá mínu merka lífi, hvernig hópverkefnin í skólanum ganga og hvað ég skora mörg mörk á æfingum.

Og fyrir ykkur sem hafið ekki hugmynd um það hver ég er þá ætti að vera komið inn svona "júser prófæl" um mig hér til vinstri. Þar stendur ýmislegt um kappan, hvað ég hlusta á, á hvaða myndir ég horfi og svo framvegis.

Og já fyrir ykkur sem eruð einnig með svona sniðugar (eða ósniðugar) blogsíður endilega póstið link í comment og ég skal setja link hér á þessa síðu. Samt aðeins ef þið setjið link á þessa síðu á ykkar síðu (vá flókið, hringjið bara í vinalínuna ef þið skiljið þetta ekki).

Svo var ég að velta því fyrir mér hvort það væri sniðugt að koma með svona pælingar í lok hverjar færslu, þ.e.a.s. þegar mér dettur eitthvað í hug. Allavega kem ég með eina núna:(ef mér dettur eitthvað í hug)

...eitthvað tómur þessa stundina...

Nei sorry kemur bara næst!

Kveðja... Almarrinn ykkar